Режиссёр Баҳром Ёқубовнинг «Бойвачча куёв» номли кинокомедияси кетма-кет тўртинчи ҳафта энг кўп томошабин тўплаган ўзбек фильми бўлди. Бу ҳақда, Алишер Навоий номидаги киносарой томонидан тақдим этилган маълумотларга асосланиб, журналист Феруз Муҳаммад маълум қилди.
«Бойвачча куёв» ноябрнинг кетма-кет иккинчи ҳафтасида касса йиғимлари бўйича пешқадам бўлди. Намойиши 14 октябрдан бошланган фильм октябрнинг сўнгги икки ҳафтасида ҳам томошабин тўплаш бўйича биринчи бўлган эди.
Ноябрнинг иккинчи ҳафтаси кинорейтингида «Бойвачча куёв»дан кейинги ўринларни Азамат Аҳроровнинг «Нотаниш қотил», Шерзод Биннинг «Қайсар ошиқлар», Науфал Сулаймоновнинг «Алдагани қуда яхши», Қутлимурод Якубовнинг «Кутилмаганда бузилган тўй» фильмлари банд этган.Маълумот учун, ҳозирда Алишер Навоий номли киносаройда «Нотаниш қотил», «Қайсар ошиқлар», «Алдагани қуда яхши», «Кутилмаганда бузилган тўй», «Бойвачча куёв», «Ишқ», «Бой бўлма, сахий бўл» каби фильмлар намойиши давом этмоқда.
Фильмлар намойишлари жадвали билан «Дарё.Afisha»да танишиш мумкин.
7 ноябрь — 13 ноябрь оралиғида энг кўп томошабин тўплаган ўзбек фильмлари
1-ўрин. «Бойвачча куёв» (комедия)Режиссёр — Баҳром Ёқубов2-ўрин. «Нотаниш қотил» (жангари)Режиссёр — Азамат Аҳроров
3-ўрин. «Қайсар ошиқлар» (комедия)Режиссёр — Шерзод Бин
4-ўрин. «Алдагани қуда яхши» (комедия)Режиссёр — Науфал Сулаймонов
5-ўрин. «Кутилмаганда бузилган тўй» (комедия)Режиссёр —Қутлимурод Якубов
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)