Ўзбекистон халқ артисти Насиба Абдуллаева бугун, 15 ноябрь куни 55 ёшга тўлди. Хонанданинг туғилган куни муносабати билан, ижтимоий тармоқларда унга табриклар йўлланмоқда.
«Ўзбекистон халқ артисти Насибахоним Абдуллаеванинг таваллуд кунлари билан табриклаймиз! Устоз, соғ-саломат бўлинг! Бахт, омад ёр бўлсин», — деб ёзади хонанда Наргиз.
«Ҳурматли Насиба Меликовна, сизнинг ижодингиз — ҳаётингиздаги катта ва сермаҳсул фаолият мевасидир. Ижодий салоҳиятингиз ҳеч қачон сўнмасин ва мухлисларингизни ҳар доим ажойиб мусиқа билан қувонтиришда давом этинг», — деб табрик йўллаган актёр Отабек Маҳкамов.
Насиба Абдуллаева 1961 йил 15 ноябрь куни Самарқандда туғилган. 1987 йилда Ўзбекистонда хизмат кўрсатган артист, 1993 йилда Ўзбекистон халқ артисти унвони билан тақдирланган.
Фаолияти давомида «Айланай» (1990), «Соғинч» (2000), «Умр баҳори» (2002), «Эсланар» (2006), «Бахт ўзи нимадир?» (2014) каби альбомларни чиқарган, кўплаб қўшиқлари хит даражасига кўтарилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)