Буюк Британия фуқароси Бен Хупер 13 ноябрь, якшанба куни Атлантика океанини 3,2 минг километр масофада кесиб ўтишни бошлади, деб ёзади «ТАСС».
Ўттиз саккиз ёшли Хупер аввал ҳарбий полиция ходими бўлиб ишлаган. У сузиб ўтишга 2013 йилдан бошлаб тайёрланган. Якшанба куни у Сенегал пойтахти Дакардан старт олди. Британиялик 4—5 ойдан сўнг Натал шаҳрига етиб бормоқчи.
Ўта хавфли ҳудудларда у камуфляж гидрокостюм кийиб олади. Хупер кунига сувга икки мартадан тушиб, жами 12 соат сузмоқчи. Унга иккита кема ҳамроҳлик қилади, уларнинг бортида унинг тўққиз кишилик жамоаси, шунингдек инглиз мастифи зотидаги ити бўлади.
Reuters таъкидлашича, Хупер Атлантика океанини сузиш орқали кесиб ўтган биринчи одамга айланиши мумкин.
Изоҳ (0)