БМТ бош котиби Пан Ги Мун Покистон жанубидаги Бобо Шоҳ Нуроний масжидида содир этилган терактни қоралади. Бу ҳақда «ТАСС» хабар бермоқда.
«Бош котиб Покистоннинг Белужистон вилоятида диндорларга қарши уюштирилган террорчилик ҳаракатини қоралайди. Қурбонларнинг оилалари, мамлакат ҳукумати ва халқига ҳамдардлик билдиради. Расмийлар мазкур ҳужум учун жавобгар шахсларни тез орада қўлга олишига умид билдирди», — дейилади халқаро ташкилот тарқатган коммюникеда.
Охирги маълумотларга кўра, ибодатхонада содир этилган теракт оқибатида камида 52 киши ҳалок бўлди, 100 дан ортиқ киши яраланди. Портлаш чоғида бинода 500-600 киши бўлгани билдирилмоқда. Покистон матбуоти маълумотларига кўра, 14 ёшли ўсмир ўзини портлатиб юборган.
Изоҳ (0)