Янги Зеландия соҳилларида 7,9 магнутидали зилзила рўй берди. Бу ҳақда, Европа Ўрта Ер денгизи сейсмология марказига асосланиб, «РИА Новости» хабар бермоқда.
Илгарироқ бир қатор нашрлар зилзила кучи 7,5 магнитудани ташкил этганини маълум қилган эди.
Силкинишлар Амберли шаҳридан 56 километр шимолда кузатилди. Зилзила чуқурлиги — 10 километр.
Минтақада яна иккита зилзила қайд қилинди. 6,2 магнитудали иккинчи зилзила мамлакат пойтахти Веллингтондан 148 километр жануби-ғарбда, 5,7 магнитудали учинчи силкиниш эса пойтахтдан 76 километр жануби-ғарбда кузатилди.
Янги Зеландия фуқаролик мудофааси ва фавқулодда вазиятлар вазирлиги жанубий оролнинг шарқий соҳилида цунами хавфини эълон қилди. Ушбу ҳудудда истиқомат қилувчиларга баландроқ жойларга ўтиш тавсия этилди.
Изоҳ (0)