Yangi Zelandiya sohillarida 7,9 magnutidali zilzila ro‘y berdi. Bu haqda, Yevropa O‘rta Yer dengizi seysmologiya markaziga asoslanib, “RIA Novosti” xabar bermoqda.
Ilgariroq bir qator nashrlar zilzila kuchi 7,5 magnitudani tashkil etganini ma’lum qilgan edi.
Silkinishlar Amberli shahridan 56 kilometr shimolda kuzatildi. Zilzila chuqurligi — 10 kilometr.
Mintaqada yana ikkita zilzila qayd qilindi. 6,2 magnitudali ikkinchi zilzila mamlakat poytaxti Vellingtondan 148 kilometr janubi-g‘arbda, 5,7 magnitudali uchinchi silkinish esa poytaxtdan 76 kilometr janubi-g‘arbda kuzatildi.
Yangi Zelandiya fuqarolik mudofaasi va favqulodda vaziyatlar vazirligi janubiy orolning sharqiy sohilida sunami xavfini e’lon qildi. Ushbu hududda istiqomat qiluvchilarga balandroq joylarga o‘tish tavsiya etildi.
Izoh (0)