Хонанда Муниса Ризаева Instagram’даги саҳифасида ўз мухлисларига мурожаат қилиб, ҳамма нарса ўткинчи экани ҳақида ўз фикр-мулоҳазаларини ёзиб қолдирди.
«Ҳис-туйғулар ҳам, меҳр-муҳаббат ҳам, хотиралар ҳам ўткинчи экан... Қачонлардир усиз нафас ҳам ололмайман, яшай ҳам олмайман, деб ўйлардим. Бироқ ҳозир ҳаммаси ўзгача, гўёки у ҳаётимда ҳеч қачон бўлмагандек!», — деб ёзади Муниса Ризаева.
Муниса Ризаева гап айнан ким ҳақида бораётганига аниқлик киритмаган.
«Ҳар нарса вақти-соати билан ўтиб кетади. Вақт ҳамма нарсани жой-жойига қўяди. Вақт даволайди! Сабр, қадрдонларим; эътиқод, ибодат ва муҳаббат — энг асосийси шу», — дея қўшимча қилган хонанда.
Маълумот учун, 21 октябрь куни Муниса Ризаева 30 ёшга тўлди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)