Хонанда Райҳон турмуш ўртоғи Фарҳод Алимов билан асал ойини ўтказиш учун 13 ноябрь куни Дубайга жўнаб кетди. Бу ҳақда «Fattohhon.com» сайти маъмурларидан бири Instagram’даги саҳифасида маълум қилган.
Райҳоннинг ўзи 13 ноябрь куни Тошкент аэропортида кутилмаганда актриса Ҳалимахон билан учрашиб қолгани ҳақида Instagram’да фотохабар қолдирган.
Ҳалимахон эса шу куннинг ўзида Дубайдаги Бурж Халифа минораси фонида бассейнда чўмилаётгани акс этган суратни Instagram’даги саҳифасида эълон қилиб улгурди.
Маълумот учун, хонанда Райҳон ва таниқли бошловчи Фарҳод Алимовнинг оила қураётгани ҳақидаги хабарлар октябрь охирида тарқалган эди. Хонанда ва бошловчи никоҳдан ўтгани муносабати билан, 5 ноябрь куни Тошкентда ош берди.
Аввалроқ тўй тор доирада, эҳтимол, чет элда ўтказилиши мумкинлиги ҳақида хабар берилган эди. Бунга сабаб қилиб Райҳоннинг хавфсизлигини таъминлаш кўрсатиб ўтилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)