Ўзбекистонда хизмат кўрсатган артист Улуғбек Раҳматуллаев шу кунларда «Истиқлол» санъат саройида «Қирмизи олма» деб номланган концерт дастурини тақдим этаётганидан хабарингиз бор. Мазкур концертга чипта нахлари ўта юқори нархларда, хусусан, «қўлда» 700 минг сўмгача сотилаётгани ҳақида овозалар тарқалганди. Бу ҳақда «Даракчи.uz» маълум қилди.
Шу муносабат билан хонанда мухлисларидан кечирим сўради.
«Мухлисларимни ўйлаб, ҳар йили чипта нархини имкон борича арзон қиламиз. Лекин чипталар нархи кўчада 2—3 баравар кўтарилиб кетибди. Тўғриси, бундай нархни эшитиб, ўзим ҳам ҳайрон қолдим. Ахир ҳаммани шароити ҳар хил. Лекин бу менинг қўлимда эмас. Келаси йили яна кўпроқ концерт кунларини қўшамиз. Балки шунда чипталар нархи унчалик қиммат бўлиб кетмас. Минг бор узр», — деб ёзди хонанда Instagram’даги саҳифасида.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)