Футбол бўйича 2018 йил Россияда бўлиб ўтадиган Жаҳон Чемпионати йўлида кураш олиб бораётган Европа мамлакатлари саралашнинг 4-турини бошлади. 11 ноябрь куни тунда «C», «E» ва «F» гуруҳларининг ҳар бирида 3 тадан ўйин ўтказилди. «А» гуруҳида эса фақатгина Франция терма жамоаси 4-тур доирасида майдонга тушди.
Евро—2016 финалига қадар етиб борган франциялик футболчилар Швецияни қабул қилиб, 2:1 ҳисобида зафар қучди. Учрашувда ҳисоб меҳмонлар томонидан очилган бўлса-да, ўйин якунига қадар Франциянинг Англия Премьер-Лигасида тўп сурадиган футболчилари 1 тадан гол уриб, жамоанинг иродали ғалабасини таъминлади. Гуруҳдаги Люксембург — Голландия ва Болгария — Беларусь ўйинлари 13 ноябрь куни бўлиб ўтади.
«C» гуруҳи етакчиси бўлган Германия йўқотишларсиз давом этди. Сан-Марино майдонига ташриф буюрган немислар 8:0 ҳисобида зафар қучди. Беллашувда Серж Гнабри 3 та гол урган бўлса, ҳимоячи бўлишига қарамай Йонес Ҳектор икки бор ўз номини таблога ёзиб қўйди.
«E» гуруҳида Польша терма жамоаси 10 очко билан пешқадамлик қилмоқда. Руминия майдонига ташриф буюрган жамоа 3:0 ҳисобида зафар қучди. Беллашувда Роберт Левандовски 2 та гол уриб, саралаш тўпурарига айланиб олди. 4 та ўйинда у 7 та гол уришга муваффақ бўлган, Криштиану Роналду эса 3 та беллашувдан кейин 5 та гол қайд этиб турибди.
«F» гуруҳи доирасидаги Британия дербисида Англия термаси Шотландияга имконият қолдирмади — 3:0. Мазкур ғалабадан кейин инглизлар 10 очко билан гуруҳ пешқадами бўлиб турибди.
ЖЧ—2018 Европа саралаши. 4-тур 11 ноябрь, жума
«А» гуруҳи
Франция — Швеция 2:1
Голлар: Эмил Форсберг, 55 (0:1). Поль Погба, 58 (1:1). Димитри Пайет, 65 (2:1).
«C» гуруҳи
Чехия — Норвегия 2:1
Голлар: Михал Крменчик, 11 (1:0). Яромир Змргал, 47 (2:0). Жошуа Кинг, 87 (2:1).Шимолий Ирландия — Озарбайжон 4:0
Голлар: Кайл Лафферти, 27 (1:0). Гарет Макаули, 40 (2:0). Конор Маклафлин, 66 (3:0). Крис Брант, 83 (4:0).Сан-Марино — Германия 0:8
Голлар: Сами Хедира, 7 (0:1). Серж Гнабри, 9 (0:2). Йонас Хектор, 32 (0:3). Серж Гнабри, 58 (0:4). Йонас Хектор, 65 (0:5). Серж Гнабри, 76 (0:6). Маттиа Стефанелли, 82-авт (0:7). Кевин Фолланд, 85 (0:8).
«E» гуруҳи
Арманистон — Черногория 3:2
Голлар: Дамир Кояшевич, 36 (0:1). Стеван Йоветич, 38 (0:2). Артак Григорян, 50 (1:2). Вараздат Ароян, 74 (2:2). Геворг Казарян, 90+4 (3:2).Руминия — Польша 0:3
Голлар: Камил Гросицки, 11 (0:1). Роберт Левандовски, 83 (0:2). Роберт Левандовски, 90+1-пен (0:3).Дания — Қозоғистон 4:1
Голлар: Андреас Корнелиус, 15 (1:0). Гафуржан Суюмбаев, 17 (1:1). Кристиан Эриксен, 36-пен (2:1). Петер Анкерсен, 78 (3:1). Кристиан Эриксен, 90+2 (4:1).
«F» гуруҳи
Англия — Шотландия 3:0
Голлар: Дениэл Старриж, 24 (1:0). Адам Лаллана, 50 (2:0). Гери Кехилл, 61 (3:0).Словакия — Литва 4:0
Голлар: Адам Немец, 12 (1:0). Юрай Куцка, 15 (2:0). Мартин Шкртел, 36 (3:0). Марек Ҳамшик, 86 (4:0).Малта — Словения 0:1
Гол: Бенямин Вербич, 47 (0:1).
Изоҳ (0)