JCh—2018. Germaniya, Angliya, Fransiya va Polsha terma jamoalari Rossiyaga yana bir qadam tashladi (video)

Futbol bo‘yicha 2018-yil Rossiyada bo‘lib o‘tadigan Jahon Chempionati yo‘lida kurash olib borayotgan Yevropa mamlakatlari saralashning 4-turini boshladi. 11-noyabr kuni tunda “C”, “E” va “F” guruhlarining har birida 3 tadan o‘yin o‘tkazildi. “A” guruhida esa faqatgina Fransiya terma jamoasi 4-tur doirasida maydonga tushdi.

Yevro—2016 finaliga qadar yetib borgan fransiyalik futbolchilar Shvetsiyani qabul qilib, 2:1 hisobida zafar quchdi. Uchrashuvda hisob mehmonlar tomonidan ochilgan bo‘lsa-da, o‘yin yakuniga qadar Fransiyaning Angliya Premyer-Ligasida to‘p suradigan futbolchilari 1 tadan gol urib, jamoaning irodali g‘alabasini ta’minladi. Guruhdagi Lyuksemburg — Gollandiya va Bolgariya — Belarus o‘yinlari 13-noyabr kuni bo‘lib o‘tadi.

“C” guruhi yetakchisi bo‘lgan Germaniya yo‘qotishlarsiz davom etdi. San-Marino maydoniga tashrif buyurgan nemislar 8:0 hisobida zafar quchdi. Bellashuvda Serj Gnabri 3 ta gol urgan bo‘lsa, himoyachi bo‘lishiga qaramay Yones Hektor ikki bor o‘z nomini tabloga yozib qo‘ydi.

“E” guruhida Polsha terma jamoasi 10 ochko bilan peshqadamlik qilmoqda. Ruminiya maydoniga tashrif buyurgan jamoa 3:0 hisobida zafar quchdi. Bellashuvda Robert Levandovski 2 ta gol urib, saralash to‘purariga aylanib oldi. 4 ta o‘yinda u 7 ta gol urishga muvaffaq bo‘lgan, Krishtianu Ronaldu esa 3 ta bellashuvdan keyin 5 ta gol qayd etib turibdi.

“F” guruhi doirasidagi Britaniya derbisida Angliya termasi Shotlandiyaga imkoniyat qoldirmadi — 3:0. Mazkur g‘alabadan keyin inglizlar 10 ochko bilan guruh peshqadami bo‘lib turibdi.

JCh—2018 Yevropa saralashi. 4-tur 11-noyabr, juma

“A” guruhi

Fransiya — Shvetsiya 2:1

Gollar: Emil Forsberg, 55 (0:1). Pol Pogba, 58 (1:1). Dimitri Payet, 65 (2:1).

“C” guruhi

Chexiya — Norvegiya 2:1

Gollar: Mixal Krmenchik, 11 (1:0). Yaromir Zmrgal, 47 (2:0). Joshua King, 87 (2:1).

Shimoliy Irlandiya — Ozarbayjon 4:0

Gollar: Kayl Lafferti, 27 (1:0). Garet Makauli, 40 (2:0). Konor Maklaflin, 66 (3:0). Kris Brant, 83 (4:0).

San-Marino — Germaniya 0:8

Gollar: Sami Xedira, 7 (0:1). Serj Gnabri, 9 (0:2). Yonas Xektor, 32 (0:3). Serj Gnabri, 58 (0:4). Yonas Xektor, 65 (0:5). Serj Gnabri, 76 (0:6). Mattia Stefanelli, 82-avt (0:7). Kevin Folland, 85 (0:8).

“E” guruhi

Armaniston — Chernogoriya 3:2

Gollar: Damir Koyashevich, 36 (0:1). Stevan Yovetich, 38 (0:2). Artak Grigoryan, 50 (1:2). Varazdat Aroyan, 74 (2:2). Gevorg Kazaryan, 90+4 (3:2).

Ruminiya — Polsha 0:3

Gollar: Kamil Grositski, 11 (0:1). Robert Levandovski, 83 (0:2). Robert Levandovski, 90+1-pen (0:3).

Daniya — Qozog‘iston 4:1

Gollar: Andreas Kornelius, 15 (1:0). Gafurjan Suyumbayev, 17 (1:1). Kristian Eriksen, 36-pen (2:1). Peter Ankersen, 78 (3:1). Kristian Eriksen, 90+2 (4:1).

“F” guruhi

Angliya — Shotlandiya 3:0

Gollar: Deniel Starrij, 24 (1:0). Adam Lallana, 50 (2:0). Geri Kexill, 61 (3:0).

Slovakiya — Litva 4:0

Gollar: Adam Nemets, 12 (1:0). Yuray Kutska, 15 (2:0). Martin Shkrtel, 36 (3:0). Marek Hamshik, 86 (4:0).

Malta — Sloveniya 0:1

Gol: Benyamin Verbich, 47 (0:1).