Ўзбекистон Адлия вазирлиги «Ўзбекистон Киберфутбол ўйинлари ассоциацияси» нодавлат нотижорат ташкилотини расман рўйхатга олди. Бу ҳақда «Championat.asia» интернет-нашри хабар бермоқда.
Уюшма Ўзбекистон ҳудудида киберфутболни оммалаштириш, киберфутбол виртуал спорт турини ривожлантириш, шунингдек, виртуал спорт тадбирлари ва виртуал спорт мусобақаларини ўтказишни ташкил этиш ҳамда жисмоний шахсларни киберфутбол спор тури бўйича мусобақаларга тайёрлаш мақсадида тузилган.
Ташкилот президенти этиб Азиз Паттахов, вице-президенти этиб Алихон Алимаксумов, ташкилот котиби сифатида Сирожиддин Камолов сайланган. Ўзбекистон киберфутбол ўйинлари ассоциацияси фаолияти ҳақида унинг сайтидан тўлиқроқ ахборот олиш мумкин.
Маълумот учун, киберфутбол — интернет тармоғи орқали онлайн режимида компьютер, PlayStation ва Xbox ўйин қурилмалари орқали ўйналадиган видеоўйиндир.
Аввалроқ киберфутбол бўйича 2017 йилги жаҳон чемпионатида Ўзбекистон вакили ҳам иштирок этиши ҳақида хабар берилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)