Шанхайда шаҳардаги илк етти юлдузли меҳмонхона очилди. Wanda Reign on the Bund қурилишига 3 йил вақт ва 515 миллион доллар кетди. Бу ҳақда Daily Mail хабар бермоқда.
Меҳмонхонада 193 та хона мавжуд бўлиб, энг каттасининг майдони 288 квадрат метрни ташкил этади. Уларда бир кеча тунаш нархи 438 доллардан 1,4 минг долларгача боради.
Отелга кираверишда мармар устунлар барпо этилган, пол эса нефрит билан безатилган. Деворларга Хитойнинг замонавий мусаввирлари расмлари илинган. Меҳмонхонада француз бош ошпази иш олиб борадиган ресторан, шунингдек, хитой ва япон қаҳвахонаси фаолият кўрсатади.
Қайд этиш жоизки, меҳмонхоналарнинг энг юқори тоифаси беш юлдузли ҳисобланади. Дунёда эгалари олти ва етти юлдузли дея баҳолаган саноқли «люкс» отеллар мавжуд, бироқ улар расман таснифлашга кирмайди.
Изоҳ (0)