АҚШдаги Колумбия федерал округининг аксарият аҳолиси 8 ноябрь куни бўлиб ўтган референдум чоғида маъмурий мақомни штатга ўзгартириш учун овоз берди. Бу ҳақда Meduza хабар бермоқда.
Колумбиянинг АҚШ 51-штатига айланишини референдум чоғида федерал округнинг 80 фоиз аҳолиси қўллаб-қувватлаган.
Референдумга қўйилган маъмурий мақомни ўзгартириш лойиҳаси Колумбия ўзини штат деб эълон қилиши, бироқ ҳукумат тузилмалари жойлашган федерал округни ўз ҳудудида сақлаб қолишини назарда тутади.
Референдумдан сўнг АҚШ Конгресси Колумбияга штат мақомини бериш тўғрисидаги қонун лойиҳасини ишлаб чиқиши, уни парламентнинг ҳар иккала палатаси маъқуллаши, охирида эса унга президент имзо чекиши кутилмоқда.
АҚШда сўнгги бор энг янги штатлар 1959 йили пайдо бўлган. Ўшанда Аляска мамлакатнинг 49-штати, Гавайи ороллари эса 50-штатига айланган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)