Трамп президент бўладиган АҚШдан кетиш истагидаги америкаликлар сабаб Канада миграция хизмати сайти ишламай қолди

Канада миграция хизмати сайтига ҳозирги вақтда кириб бўлмаяпти, деб ёзади «Коммерсантъ».

CTV телеканали бошловчилари Twitter фойдаланувчилари қолдирган хабарларга асосланиб тахмин қилишича, сайт «Трамп ғалаба қозонса, АҚШдан кетиш ниятида бўлган» Ҳиллари Клинтон тарафдорларининг кўплаб ташрифлари сабаб ишламай қолган.

https://twitter.com/LilyLeung/status/796177967479189509

Телеканал маълумотларига кўра, АҚШдан Канадага кўчиш истагида бўлган америкаликлар сони биринчи марта бунчалик ортиб кетаётгани йўқ. Бундан тўрт йил аввал, Обама сайловда ғалаба қозонганидан сўнг, республикачиларнинг минглаб тарафдорлари Канадага кўчиб ўтишни истаб қолган эди.

Дастлабки маълумотларга кўра, АҚШ президенти сайловида Дональд Трамп асосий рақиби — демократ Ҳиллари Клинтонни сезиларли фарқ билан ортда қолдирмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.