Сайлов тугади: АҚШда президент сайлови учун очилган барча сайлов участкалари ёпилди

Аляскадаги сайлов участкалари ёпилиши билан, АҚШдаги президент сайловида умуммиллий овоз бериш якунига етди. Бу ҳақда Meduza хабар бермоқда.

Дастлабки маълумотларга кўра, Дональд Трамп сайловчиларнинг 48,3 фоиз, Ҳиллари Клинтон эса 47,1 фоиз овозини қўлга киритган. Мамлакат бўйича Трампга Клинтондан кўра 1,3 миллион киши кўпроқ овоз берган.

Ҳозирча тўққиз штат бўйича сайловнинг дастлабки натижалари эълон қилинганича йўқ. Тахминларга кўра, уларнинг олтитасида Трамп етакчилик қилмоқда.

Ҳиллари Клинтоннинг жорий сайловдаги ғалаба учун имкониятлари атиги 5 фоизга баҳоланмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.