Яқинда банклар янги хизматни — бир жисмоний шахснинг картасидан иккинчи шахснинг картасига пул ўтказишни ишга туширди. Norma ушбу шахслар пул ўтказмалари ҳақида шартнома тузиши керак-керак эмаслиги, шунингдек, маблағ қабул қилувчида солиқ билан боғлиқ қандай вазиятлар юзага келишига аниқлик киритди.
Икки хил ҳолатда жисмоний шахслар ўртасида ёзма шаклда шартнома тузилиши керак. Биринчидан, сумма энг кам иш ҳақининг 10 баробаридан ошса, тузилади. Иккинчидан ушбу талаб қонунчиликда тўғридан-тўғри кўрсатилган бўлса, шартнома имзоланади.
Тошкент шаҳри солиқ бошқармаси берган изоҳга кўра, жисмоний шахслардан беминнат олинган мулклар (пул ҳам мулк ҳисобланади), шу жумладан ҳадя шартномаси бўйича, бошқа даромадлар билан бир қаторда жисмоний шахснинг умумий даромадига киритилади, аммо солиқ солинмайди.
Изоҳ (0)