Режиссёр Баҳром Ёқубовнинг «Бойвачча куёв» номли кинокомедияси кетма-кет учинчи ҳафта энг кўп томошабин тўплаган ўзбек фильми бўлди. Бу ҳақда, Алишер Навоий номидаги киносарой томонидан тақдим этилган маълумотларга асосланиб, журналист Феруз Муҳаммад маълум қилди.
«Бойвачча куёв» ноябрнинг биринчи ойида касса йиғимлари бўйича пешқадам бўлди. Намойиши 14 октябрдан бошланган фильм октябрнинг сўнгги икки ҳафтасида ҳам томошабин тўплаш бўйича биринчи бўлган эди.
Ноябрнинг биринчи ҳафтаси кинорейтингида «Бойвачча куёв»дан кейинги ўринларни Азамат Аҳроровнинг «Нотаниш қотил», Шерзод Биннинг «Қайсар ошиқлар», Науфал Сулаймоновнинг «Алдагани қуда яхши» фильмлари банд этган.
Режиссёр Файзираҳмон Усмоновнинг премьераси 1 ноябрь куни бўлиб ўтган «Ишқ»фильми Қутлимурод Якубовнинг «Кутилмаганда бузилган тўй» комедиясини кучли бешликдан чиқариб юборди. Якубовнинг фильми октябрнинг уч ҳафтасида бешликка киришга муваффақ бўлган эди.
Маълумот учун, ҳозирда Алишер Навоий номли киносаройда «Нотаниш қотил», «Қайсар ошиқлар», «Алдагани қуда яхши», «Кутилмаганда бузилган тўй», «Бойвачча куёв» , «Ишқ» каби фильмлар намойиши давом этмоқда. Намойишлар жадвали билан «Дарё.Афиша»да танишиш мумкин.
31 октябрь — 6 ноябрь оралиғида энг кўп томошабин тўплаган ўзбек фильмлари
1-ўрин. «Бойвачча куёв» (комедия)Режиссёр — Баҳром Ёқубов2-ўрин. «Нотаниш қотил» (жангари)Режиссёр — Азамат Аҳроров
3-ўрин. «Қайсар ошиқлар» (комедия)Режиссёр — Шерзод Бин
4-ўрин. «Алдагани қуда яхши» (комедия)Режиссёр — Науфал Сулаймонов
5-ўрин. «Ишқ » (комедия)Режиссёр — Файзираҳмон Усмонов
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)