Актёр, режиссёр ва продюсер Фарҳод Бадаловнинг онаси вафот этди. Бу ҳақда «Shov-shuv.uz» сайти муаллифи Жасур Ҳамроев Instagram’даги саҳифасида маълум қилди.
«Бу йигитнинг ўз волидаи муҳтарамасининг оёқларини ювиб, ўпгани акс этган суратлари интернетда бир неча ой илгари қизғин муҳокамаларга сабаб бўлганди. Ким ‘баракалла’ деди, ким роса танқид қилди...», — деб ёзади Ҳамроев.
«Бугун бу онахон жонини Яратганга узатди... У энди орамизда йўқ. Улгуриб қолганингиз армон бўлмайди... Ҳар он ғанимат! Ҳаёт, ота-она, дўстлар... ғанимат! Фарҳод, сизга ва оила аъзоларингизга сабр тилайман», — дея қўшимча қилинади хабарда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)