Rejissor Bahrom Yoqubovning “Boyvachcha kuyov” nomli kinokomediyasi ketma-ket uchinchi hafta eng ko‘p tomoshabin to‘plagan o‘zbek filmi bo‘ldi. Bu haqda, Alisher Navoiy nomidagi kinosaroy tomonidan taqdim etilgan ma’lumotlarga asoslanib, jurnalist Feruz Muhammad ma’lum qildi.
“Boyvachcha kuyov” noyabrning birinchi oyida kassa yig‘imlari bo‘yicha peshqadam bo‘ldi. Namoyishi 14-oktabrdan boshlangan film oktabrning so‘nggi ikki haftasida ham tomoshabin to‘plash bo‘yicha birinchi bo‘lgan edi.
Noyabrning birinchi haftasi kinoreytingida “Boyvachcha kuyov”dan keyingi o‘rinlarni Azamat Ahrorovning “Notanish qotil”, Sherzod Binning “Qaysar oshiqlar”, Naufal Sulaymonovning “Aldagani quda yaxshi” filmlari band etgan.
Rejissor Fayzirahmon Usmonovning premyerasi 1-noyabr kuni bo‘lib o‘tgan “Ishq”filmi Qutlimurod Yakubovning “Kutilmaganda buzilgan to‘y” komediyasini kuchli beshlikdan chiqarib yubordi. Yakubovning filmi oktabrning uch haftasida beshlikka kirishga muvaffaq bo‘lgan edi.
Ma’lumot uchun, hozirda Alisher Navoiy nomli kinosaroyda “Notanish qotil”, “Qaysar oshiqlar”, “Aldagani quda yaxshi”, “Kutilmaganda buzilgan to‘y”, “Boyvachcha kuyov” , “Ishq” kabi filmlar namoyishi davom etmoqda. Namoyishlar jadvali bilan “Daryo.Afisha”da tanishish mumkin.
31-oktabr — 6-noyabr oralig‘ida eng ko‘p tomoshabin to‘plagan o‘zbek filmlari
1-o‘rin. “Boyvachcha kuyov” (komediya)Rejissor — Bahrom Yoqubov2-o‘rin. “Notanish qotil” (jangari)Rejissor — Azamat Ahrorov
3-o‘rin. “Qaysar oshiqlar” (komediya)Rejissor — Sherzod Bin
4-o‘rin. “Aldagani quda yaxshi” (komediya)Rejissor — Naufal Sulaymonov
5-o‘rin. “Ishq ” (komediya)Rejissor — Fayzirahmon Usmonov
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)