Хонанда Лоланинг янги «Билмайсан» номли қўшиғини тайёрлаш йўлида «Уммон» ва «Беном» гуруҳлари ижодкорлари бирлашди. Лоланинг ўзи Instagram’да ёзиб қолдирган хабарида бу воқеани «имкони йўқ ҳодиса» деб таърифлади.
«Имкони йўқ ҳодиса юз берди — бир-бири билан яширинча рақобат қиладиган икки мустақил, иқтидорли ‘Беном’ ва ‘Уммон’ гуруҳлари бир лойиҳа устида бирлашди. Ижод йўлида улар барча принципларни бир чеккага суриб, менга ажойиб қўшиқ туҳфа этишди», — деб ёзади Лола.
Хонанданинг таъкидлашича, қўшиқ учун «Уммон» гуруҳи солисти Зоҳид «ҳиссиётларга тўла сўзлар» ёзиб берган, «Беном» гуруҳи йигитлари эса «жуда зўр овоз»ни ҳозирлаган. «Уларга улкан миннатдорчилик изҳор қилишни истардим», — дея қўшимча қилди Лола.
Қўшиқнинг аудиопремьераси 7 ноябрь куни бўлиб ўтиши кутилмоқда. Аввалроқ мазкур қўшиқ учун видеоклип суратга олинаётгани ҳақида хабар берилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)