Мадриднинг «Реал» жамоаси ярим ҳимоячиси Гарет Бэйл йилнинг энг яхши футболчисига бериладиган «Олтин тўп» мукофоти ҳақида орзу қилмаслигини маълум қилди, деб хабар бермоқда «Чемпионат».
«Мен учун ‘Олтин тўп’ ҳеч қачон мақсад бўлмаган. Ушбу мукофот учун курашда ғолиб бўлишни орзу қилмаганман. Чемпионлар Лигаси ва миллий чемпионатларда ғолиб бўлишни орзу қиламан. ЕЧЛ ва бошқа турнирларда ғалаба қозонсам, индивидуал совринлар келади, аммо ҳозир бу ҳақда ўйламаяпман. Менга клуб ва терма жамоа мукофотлари муҳимроқ. Агар бу амалга ошса, яхши бўларди. Клубда фаол ўйнасанг, ‘Олтин тўп’ сенга келади. Бу ажойиб бўларди», – деди уэльслик футболчи.
«Кўпчилик футболчилар мавсумни яхши ўтказди. Месси ва Роналду эса ажойиб ўйинлар кўрсатди. Криштиану ЕЧЛ ва Европа чемпионатида ғолиб бўлди. Аммо мен ҳакам эмасман ва ким ютишини айта олмайман. Жамоадошларим ва бошқа номзодларга омад тилайман», – дея қўшимча қилди Бэйл.Эслатиб ўтамиз, Гарет Бэйл «Олтин тўп–2016» мукофотига даъвогар 30 футболчидан бири ҳисобланади.
Изоҳ (0)