Garet Beyl: “Oltin to‘p” hech qachon maqsadim bo‘lmagan, u haqda orzu qilmayman

Madridning “Real” jamoasi yarim himoyachisi Garet Beyl yilning eng yaxshi futbolchisiga beriladigan “Oltin to‘p” mukofoti haqida orzu qilmasligini ma’lum qildi, deb xabar bermoqda “Chempionat”.

“Men uchun ‘Oltin to‘p’ hech qachon maqsad bo‘lmagan. Ushbu mukofot uchun kurashda g‘olib bo‘lishni orzu qilmaganman. Chempionlar Ligasi va milliy chempionatlarda g‘olib bo‘lishni orzu qilaman. YChL va boshqa turnirlarda g‘alaba qozonsam, individual sovrinlar keladi, ammo hozir bu haqda o‘ylamayapman. Menga klub va terma jamoa mukofotlari muhimroq. Agar bu amalga oshsa, yaxshi bo‘lardi. Klubda faol o‘ynasang, ‘Oltin to‘p’ senga keladi. Bu ajoyib bo‘lardi”, – dedi uelslik futbolchi.

• Ronaldu, Beyl va Buffon “Oltin to‘p–2016” mukofotiga nomzodlar ro‘yxatidan joy oldi

“Ko‘pchilik futbolchilar mavsumni yaxshi o‘tkazdi. Messi va Ronaldu esa ajoyib o‘yinlar ko‘rsatdi. Krishtianu YChL va Yevropa chempionatida g‘olib bo‘ldi. Ammo men hakam emasman va kim yutishini ayta olmayman. Jamoadoshlarim va boshqa nomzodlarga omad tilayman”, – deya qo‘shimcha qildi Beyl.

• Garet Beylning “Real” bilan yangi shartnomasiga ko‘ra maoshi soniyasigacha hisoblab chiqildi

Eslatib o‘tamiz, Garet Beyl “Oltin to‘p–2016” mukofotiga da’vogar 30 futbolchidan biri hisoblanadi.