Бошловчи Фарҳод Алимов интернетда унинг хонанда Райҳонга уйланиши ҳақида пайдо бўлган турли гап-сўзларга муносабат билдирди. Бу ҳақда «Qalampir.uz» хабар бермоқда.
«Менинг Райҳон Ғаниева билан никоҳим ҳақида интернет сайтларида чоп этилган мақолаларни ўқиб, очиғи, мухлисларнинг айтган фикрларидан ранжидим. Мен ушбу гапларга ойдинлик киритмоқчиман», — дейди Фарҳод Алимов.
«Биринчидан, фарзандларимни ҳеч қачон ташлаб қўймайман. Улар сўнгги нафасимга қадар менинг қарамоғимда бўлишади. Гарчи уларнинг онаси билан ажрашишга қарор қилган бўлсак-да, фарзандларимга бор меҳримни бера оламан», — деди бошловчи.
«Иккинчидан, собиқ рафиқам билан ажрашишимга Райҳоннинг мутлақо алоқаси йўқ. Собиқ рафиқам билан расман 2016 йилнинг май ойида ажрашганмиз. Райҳон билан алоқаларимиз, 2016 йил куз фаслининг илк ойларида бошланган», — дейди Фарҳод Алимов.
«Тўғри, биз бир-биримизни аввал ҳам танирдик. Аммо ўртамизда ҳеч қандай муносабат, илиқлик йўқ эди. Салом-аликдан нарига ўтмаганмиз. Фарзандларимнинг онаси билан эса дўст бўлиб қолганмиз», — деди бошловчи.
«Мен айни вақтда 40 ёшдаман, Райҳон эса 38 да. Биз оиламиздан ажрашганмиз ва айни вақтда эркин инсонлармиз. Бировга туҳмат тошини отиш ва қоралашдан аввал, мухлислардан вазиятга тўғри баҳо беришларини сўраган бўлардим», — деди Алимов.
«Фарҳод Алимовнинг Райҳон Ғаниева билан муносабатлари ‘Излама’ клипини суратга олиш жараёнида бошланган, бошловчи оиласидан Райҳон туфайли ажрашган, деган гап-сўзлар нотўғри, буларнинг ҳаммаси уйдирма! Ижодкор бўлсак-да, сиз каби оддий инсонмиз, бизда ҳам юрак бор», — дея қўшимча қилди Фарҳод Алимов.
Октябрь ойи охирида Райҳон иккинчи марта оила қуриши мумкинлиги ҳақида хабарлар тарқалди. У 29 октябрь куни чет элда бўлиши айтилган тўй маросимида таниқли бошловчи Фарҳод Алимовга турмушга чиқиши айтилди. Бироқ кейинроқ тўй санаси ва жойи ҳақидаги хабарлар Фарҳод Алимовнинг ўзи томонидан рад этилди.
Маълумот учун, Йигитали ва Райҳоннинг тўйи 2012 йил ноябрида бўлиб ўтган. 2014 йил май ойида улар эгизак фарзандли бўлган. 2015 йил 9 январида Райҳон ажрашиш учун ариза бергани, 2016 йил май ойида эса уларнинг никоҳи расман бекор бўлгани маълум бўлди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)