«Реал» ҳужумчиси Криштиану Роналду «Алавес»га қарши Испания чемпионати 10-турида учта гол киритиб, мадридликлар сафида мамлакат чемпионати доирасидаги хет-триклари сонини 31 тага етказиб олди. Бу ҳақда «ТАСС» хабар бермоқда.
Роналду «Алавес»га қарши жамоасининг 4:1 ҳисобида якунланган ўйинидан сўнг Испания чемпионидаги голлари сонини 352 тага етказиб олди.
Таққослаш учун, «Барселона» етакчиси Лионель Мессининг Ла Лигада қайд этган хет-триклари сони 25 тага тенг.
Маълумот ўрнида, Испания чемпионати 10-туридан сўнг «Реал» 24 очко билан пешқадамлик қилмоқда. «Барселона» (22 очко) ва «Атлетико» (21 очко) тегишли равишда 2–3-ўринларни эгаллаб турибди.
Изоҳ (0)