Ливия қирғоқларида Африкадан Европага денгиз орқали етиб олишга уриниш вақтида ҳалок бўлган камида 16 нафар муҳожирнинг жасадлари топилди. Бу ҳақда «ТАСС» хабар бермоқда.
Халқаро Қизил Яримой ҳаракатининг маҳаллий бўлинмасидан маълум қилишларича, муҳожирлар чиққан қайиқ чўкиб кетган. Қурбонларнинг қайси мамлакатдан экани ҳозирча номаълум.
Халқаро миграция ташкилотининг сўнгги маълумотларига кўра, 2016 йил бошидан бери 90 мингга яқин одам Ўртаер денгизи орқали Европага ноқонуний етиб келган, бу ўтган йилнинг шу даврига нисбатан 14 фоизга кўп.
Фақат тасдиқланган маълумотларга кўра, 2016 йилнинг ўтган ойлари давомида Ўртаер денгизини ноқонуний кечиб ўтиб, Европага етиш йўлида 3 мингдан ортиқ одам ҳалок бўлган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)