Ва ниҳоят инсоният Ердаги энг сирли ер — юзлаб кема ва самолётлар тушунарсиз тарзда ғойиб бўлган Бермуд учбурчагининг сирини фош қилишга яқинлашган кўринади. Бу ҳақда AdMe хабар берди.
Бу ҳақдаги репортаж илк бор Science Channel телеканалида намойиш этилди. Американинг Колорадо штати университети олимлари ҳудуднинг сунъий йўлдош орқали олинган суратларида ноодатий гексагонал, оддийроқ қилиб айтганда олтибурчакли булутларни аниқлади. Уларнинг ҳаракатланиш характерини метеорологлар авиабомба билан таққослади.
Улар тезлиги соатига 274 километрга етишга қодир кучли ҳаво оқимининг юзага келишига сабаб бўлиши мумкинлиги тахмин қилинмоқда. Кучли бўроннинг кучига тенг бундай «шамол» ҳавони «портлатиб», океанда 15 метрлик тўлқинларни юзага келтиради.
Ҳеч бир кема бундай бўронга, самолёт эса бундай шамолга дош бера олмайди. Одатда булутлар бундай бир текис геометрик шакл ҳосил қила олмайди. Бироқ Бермуд учбурчаги истисно бўлиши мумкин.
Юқоридаги назария эълон қилингандан сўнг бутун дунё олимлари бундай аномалиянинг шаклланишига айнан нима сабаб бўлишини аниқлашга уринмоқда.
Эслатиб ўтамиз, Бермуд учбурчаги Атлантика океанида Флорида, Бермуд ороллари ва Пуэрто-Рико ўртасида жойлашган.
Изоҳ (0)