Агарда Швеция ва Финляндия НАТОга аъзо бўлса, Россия ўз хавфсизлигини таъминлаш йўлида қўшимча чораларни кўради. Бу ҳақда, РФ ТИВга асосланиб, «Интерфакс» хабар бермоқда.
Илгарироқ Швеция ва Финляндия мудофаа вазирлари НАТО давлатлари ҳарбий идоралари раҳбарларининг Брюсселдаги учрашувида иштирок этгани маълум бўлган эди. РФ ТИВ вакили мазкур янгиликка изоҳ бериб ўтди.
«Бугунги кунда минтақада реал ҳарбий таҳдидлар кўринмаяпти, Финляндия ва Швециянинг проатлантик танлови тарафдорлари нималар ўйлаб топишидан қатъий назар, бу бизнинг ишончимиз. Биз очиқ айтамизки, Хельсинки ва Стокгольмнинг НАТОга қўшилиши барқарорликни бузиб, минтақадаги куч мувозанатини ўзгартиради, бу эса бизни ўз хавфсизлигимизни таъминлаш учун қўшимча чоралар кўришга мажбур қилади», — маълум қилди агентликнинг манбаси.
Изоҳ (0)