Нью-йорклик фотосуратчи Мийо Ким «Денгиз онаси» номли фотосуратлар сериясида Жанубий Кореядаги қўрқмас «сув парилари»ни акс эттирди, дея хабар бермоқда TravelAsk.
Жанубий Кореяда бу аёлларни хэнё деб аташади. Ёши катта аёллар океанда 20 метргача шўнғиб, моллюскалар, денгиз типратиканлари, бодринглари, калмарлар ва денгизнинг бошқа неъматларини йиғиб чиқади.
Улар бу ишни кислород баллонларисиз, сув остида икки дақиқагача нафас олмай, баъзан Корея бўғозининг муздек бўлиб қолган сувларида бажаришади.
Хэнёларнинг аксарияти 70 дан ошган ва уларнинг сафи борган сари қисқариб бормоқда. Чунки ёш кореяликлар бундай машғулотга қизиқиш билдирмай, ўқиш ва иш жойи излаб, катта шаҳарларга кетмоқда.
«Бу ғаввос аёллар ўзига хос корейс меросини асраб-авайлайди ва улар ўз йўналишида ягонадир. Бу — хэнёларнинг сўнгги авлодидир», — дейди Ким Huffington Post нашрига берган интервьюсида.
«Хэнё» корейсдан тилидан таржима қилинганида «денгиз аёли» деган маънони билдиради.
Бу оғир ва мураккаб иш милоднинг V асрида пайдо бўлган.
«Кучсизларнинг қўлидан хэнёлик келмайди», — дейди фотосуратчи.
«Шунинг учун ҳам Кореяда шундай дейишади: ‘Хэнёлар тириклар оламида ўликларнинг ишини қилади’».
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)