17 ноябрь куни америкалик актёр Леонардо Ди Каприо Шотландияда жойлашган уйсизларга кўмак берувчи қаҳвахонага ташриф буюради ва у ерда мухлисларидан бири билан тушлик қилади. Бу ҳақда, Metro нашрига асосланиб, «Вести.ru» хабар бермоқда.
Ди Каприо билан бирга тушлик қиладиган омадли инсон лотерея орқали танланади. Ўйинда иштирок этиш учун ушбу қаҳвахонада бошпанасиз инсон учун овқат ва ичимлик сотиб олиш талаб этилади. Бунинг учун ўртача 5 фунт стерлинг талаб этилади. Шундан сўнг мухлис махсус сайтда рўйхатдан ўтади — лотерея айнан сайтда ўтказилади.
Учрашувдан ташқари, ғолибнинг меҳмонхона, Шотландия бўйлаб саёҳат, минг фунт стерлинг турувчи шампан виноси ҳамда савдо марказидаги харид харажатлари қопланади.
Изоҳ (0)