Марказий Швециянинг Вермланд провинцияси, Ликенэс манзилидаги қочоқлар бошпанасида 24 октябрь, душанба куни кечки пайт кучли ёнғин содир бўлди. Муҳожирлардан ҳеч бири жабрланмади. Бу ҳақда «ТАСС» хабар бермоқда.
Олдинлари қариялар уйи жойлашган бино тўлиқ ёниб битди. Унда 19 нафар қочоқ, жумладан, 5 нафар бола истиқомат қилаётганди. Полиция ҳодиса сабабини ўрганмоқда.
2015 йили 9,8 миллион киши яшайдиган Швецияга 163 минг муҳожир келди. Бу Евроиттифоқ давлатлари орасида аҳоли сонига нисбатан рекорд кўрсаткич. Қочоқлар бошпаналарига ўт қўйиш ҳолатлари ўтган йил кузидан бошланди, ҳозиргача 60 дан ортиқ шундай ҳодиса қайд этилди.
Изоҳ (0)