ОАВ: Туркия ўз қўшинлари Ироқдаги ер усти операциясида иштирок этиши мумкинлигини истисно этмаяпти

Туркия қўшинлари, зарур бўлса, Ироқдаги ер усти операциясида иштирок этиши мумкин. Бу ҳақда мамлакат ташқи ишлар вазири Мавлуд Чавушўғли баёнот берди, деб хабар қилади AFP.

Унинг аниқлик киритишича, Туркия Ироқда Курдистон ишчи партиясига қарши ер усти операциясини ўтказиши мумкин.

«Агар Туркия учун хавф мавжуд бўлса, биз қўлимиздаги барча воситалардан фойдаланамиз, ушбу хатарни бартараф этиш учун ер усти операцияси ҳам ўтказилиши мумкин», — деди вазир.

Чавушўғли КИП Ироқ ҳудудида ўз базаларини жойлаштиришини куракда турмайдиган вазият деб ҳисоблашини қўшимча қилиб ўтди.