Президент тарафдорларининг Қирғизистон социал-демократик партияси фракцияси парламентдаги кўпчилик коалициясидан чиқишини маълум қилди. Мамлакат конституцияси ва амалдаги қонунчиликка мувофиқ, фракциялардан бирининг чиқиши кўпчилик коалицияси тарқалиши ва у томонидан шакллантирган ҳукумат истеъфосини англатади. Бу ҳақда «Интерфакс» хабар бермоқда.
«Социал-демократик партия кўпчилик коалициясидан чиқади. Коалицияга кирувчи бошқа фракциялар билан сиёсий қарашларимиз мос келмаслиги сабабли шундай қарорга келдик», — дея таъкидлади фракция етакчиси Иса Омурқулов 24 октябрь, душанба куни парламентдаги чиқиши чоғида.
Сооронбай Жээнбеков бошчилигидаги амалдаги ҳукумат шу йил апрель ойида шакллантирилганди. Қонунга кўра, ҳукмрон коалиция тарқаб кетганидан сўнг президент 3 иш куни ичида партиялардан бирига парламент кўпчилигини тузиши учун ваколат бериши лозим.
Изоҳ (0)