Audi 40 долларлик ўйинчоқ машина ёрдамида 200 минг долларлик автомобилни реклама қилди
Мексикалик фотосуратчи Феликс Эрнандес 200 минг доллар турадиган Audi R8’нинг реклама суратларини автомобилнинг 40 долларлик ўйинчоқ модели ёрдамида тайёрлади. Бу ҳақда «vc.ru» хабар бермоқда.
Дастлаб фотосуратчи ўз ғояларини Audi вакиллари билан ўртоқлашган. Охир-оқибат компания вакиллари ҳақиқий автомобилсиз тайёрланган суратларга юқори баҳо бериб, улардан реклама мақсадида фойдаланган.
Digital Synopsis нашрининг қайд этишича, суратлар минимал даражада қайта ишланган. Эрнандес махсус эффектларни реквизитлар, ёруғлик, қулай ракурслар ва фотоаппарат созламалари ёрдамида яратган.
Facebook’даги ўз гуруҳида фотосуратчи реклама суратлари қандай тайёрланиши ҳақида маълумот берувчи тасвирларни эълон қилган:
Феликс Эрнандес суратда катта кўринадиган, аслида катта бўлмаган буюмлар иштирок этган ишлари билан танилган:
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
