Футбол бўйича Ўзбекистон Олий Лигасининг 26-турида икки пешқадам очко йўқотди. «Бунёдкор» Навоийда «Қизилқум» билан дуранг ўйнаган бўлса, «Локомотив» «Бухоро» майдонида имкониятни бой берди.
26-турдан кейин чемпионлик учун кураш олиб бораётган «Локомотив» ва «Бунёдкор» ўртасидаги очколар фарқи энди 4 тани ташкил қилмоқда. «Бунёдкор»дан 4 очко камроқ жамғарган Қаршининг «Насаф» клуби мазкур турда «Навбаҳор» дарвозасига жавобсиз 6 та гол урди. Беллашувда Огнен Красич 2 та гол урди ва 2 та голли узатма берди. Бошқа бир легионер Драган Черан ҳам дубл қайд этди. Москванинг «Динамо» клуби қизиқиш билдирган Игорь Голбан 1 та гол урди.
Олий Лигада жон сақлаб қолиш учун кураш олиб бораётган «Қўқон—1912» клуби ўз майдонида вилоятдоши «Нефтчи»ни мағлуб этиб, аҳволини бироз яхшилаб олди.
Олий Лига 26-туридан жой олган сўнгги учрашув яна икки кундан кейин Тошкентда ўтиб, унда «Обод» Муборакнинг «Машъал» клубини қабул қилади.
Ўзбекистон Олий Лигаси 26-тур беллашувлари 22 октябрь, шанба
Изоҳ (0)