Ўзбекистон бош вазири Шавкат Мирзиёев виртуал қабулхонасининг 1000 телефон рақамига 19 октябрь куни 19 мингдан ортиқ қўнғироқ бўлди. Бу ҳақда ҳукумат раҳбарининг Facebook’даги саҳифасида ахборот берилган, дея хабар бермоқда «Газета.uz».
«Қўнғироқларнинг барчаси мурожаат юбориш эмас, балки аввал юборилган мурожаатларнинг ҳолатини аниқлаштириш билан ҳам боғлиқ», — дейилади Facebook’даги хабарда.
Мурожаат юборувчиларга интернетдан фойдаланишга имконият бўлмай қолгандагина телефон орқали, шу билан бирга, айнан қўнғироқлар камроқ бўладиган вақтларда (бундай вақтлар графикда кўрсатилган) қўнғироқ қилиш тавсия қилинган.
«Мурожаатларни имкон борича pm.gov.uz сайти орқали юборилиши мақсадга мувофиқ. Бу сайтда мурожаатнинг мақомини ҳам осон текшириш мумкин», — дейилади хабарда.
«Хизмат сифатини яхшилаш мақсадида операторлар сони доимо орттириб борилаяпти, лекин шу билан биргаликда айнан қўнғироқ кўп бўладиган вақтларда 1000 телефон рақамида навбат кутиш ҳолатлари кузатилмоқда», — дейилади Шавкат Мирзиёевнинг Facebook’даги саҳифасида қолдирилган хабарда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)