Бразилия парламентининг собиқ спикери Эдуарду Кунья мамлакат пойтахти Бразилиада коррупция бўйича иш доирасида ҳибсга олинди. Яқин орада у Куритиба шаҳри (Парана штати) қамоқхонасига ўтказилади. Бу ҳақда «ТАСС» хабар бермоқда.
Куньяни ҳибсга олиш ҳақидаги ордер 19 октябрь, чоршанба куни федерал судья Сержиу Моро томонидан берилди. «Федерал прокуратура сўровидан келиб чиқиб, миллий парламент собиқ депутати Эдуарду Козентино да Куньяни дастлабки ҳибсга олиш ҳақида қарор қабул қилдим» дейилади Моро имзоси қўйилган ва нусхаси маҳаллий ОАВда тарқатилган ҳужжатда.
14 октябрда собиқ спикерга нисбатан коррупция ва маблағдан ноқонуний фойдаланишда айблов эълон қилинди. Тергов тахминига кўра, Кунья Бенинда шартномалар тузишда берган ёрдами учун Petrobras давлат нефтгаз компаниясидан 2,4 миллион реал ( 750 минг доллар) пора олган ва уларни сарфлаш учун Швейцариядаги банк ҳисоб рақамларидан фойдаланган.
Куньяни ҳибсга олиш ҳақидаги ордер собиқ спикер озодликда уни фош этувчи далилларни йўқ қилиши мумкинлиги ҳақидаги хавотирлардан сўнг қабул қилинди.
Изоҳ (0)