АҚШ президентлигига Республикачилар партиясидан номзод Дональд Трамп сайлов натижаларини фақат ўзи ғолиб чиққан тақдирдагина тан олишини маълум қилди. Бу ҳақда «РБК» хабар бермоқда.
«Сайловлар натижаларини қабул қиламан, бироқ улар шубҳали бўлган тақдирда судга даъво билан мурожаат этиш ҳуқуқини ўзимда сақлаб қоламан», — дея таъкидлади Трамп Огайо штатида тарафдорлари орасидаги чиқиши чоғида.
Демократлар партияси вакили Ҳиллари Клинтон билан ўтказилган охирги, якуний дебатлар давомида Трамп сайловлардаги мағлубиятини тан олиш-олмаслиги ҳақидаги саволдан икки бор ўзини олиб қочди.
Politico нашрига кўра, Трамп ўзини бундай тутиш билан АҚШ сиёсий тизими барқарорлиги аломати бўлган сайловларнинг ҳар қандай натижаларини тан олиш анъанасини бузмоқда.
Изоҳ (0)