Тошкентда ўтаётган «Шахмат Юлдузлари» мусобақасининг биринчи кунидан сўнг ўзбекистонлик гроссмейстер Рустам Қосимжонов 2-ўринни эгаллаб турибди. Бу ҳақда «Оламспорт» нашри хабар берди.
«Миран» меҳмонхонасида очилиш маросими бўлиб ўтган фестивалнинг илк кунида 4 нафар иштирокчи гроссмейстернинг ҳар бири 3 тадан ўйинда иштирок этди. Яъни, улар бир-бирига қарши бир мартадан дона сурди.
Ўтказилган ўйинларнинг фақатгина 1 тасида ғолиб номи аниқланиб, озарбайжонлик Шаҳриёр Мамадиёров исроиллик рақиби Борис Гелфандни мағлуб этди. Қолган барча партиялар дуранг билан якунланди. Рустам Қосимжонов ўзи билан бир хилда очкоси бор бўлган украиналик Руслан Пономарёвни қўшимча кўрсаткичлар бўйича ортда қолдирмоқда.
Бугун — 19 октябрь куни бўлиб ўтадиган иккинчи кунда ҳам гроссмейстерлар ўзаро бир мартадан рақиб бўлиб чиқади.
«Шахмат Юлдузлари» 1-тур учрашувлари 18 октябрь, сешанба
Пономарёв — Қосимжонов 0,5:0,5Гелфанд — Мамадиёров 0:1
Гелфанд — Пономарёв 0,5:0,5Мамадиёров — Қосимжонов 0,5:0,5
Пономарёв — Мамадиёров 0,5:0,5Қосимжонов — Гелфанд 0,5:0,5
Маълумот учун, турнирнинг умумий мукофот жамғармаси 50 минг АҚШ доллари бўлиб, Амир Темур таваллудининг 680 йиллиги учун ўтказилаётган мазкур мусобақада ғолиб чиққан гроссмейстер ўз ҳисоб рақамини 20 минг долларга бойитиб олади.
Изоҳ (0)