Тадбиркорлар ва ишбилармонлар ҳаракати — Ўзбекистон Либерал-демократик партияси (ЎзЛиДеП) Ўзбекистон Президентлигига Ўзбекистон Президенти вазифасини бажарувчи, Ўзбекистон бош вазири Шавкат Мирзиёев номзодини кўрсатиш ҳақида қарор қабул қилди. Қарор партиянинг 19 октябрь куни бўлиб ўтган VIII съездида қабул қилинган.
Тадбирда Қорақалпоғистон Республикаси, вилоятлар ва Тошкент шаҳридан сайланган 300 га яқин делегат қатнашган.
Съездда Шавкат Мирзиёев ўз сайловолди дастурининг асосий йўналишлари ҳақида маъруза қилган.
Съезд қарорига кўра, ЎзЛиДеП қонунда белгиланган тартибда Ўзбекистон Президентлигига партия номзодини рўйхатга олишни сўраб Марказий сайлов комиссиясига мурожаат этади.
Аввалроқ Ўзбекистон Халқ демократик партияси Ҳотамжон Кетмоновни, «Адолат» СДП Наримон Умаровни, «Миллий тикланиш» партияси эса Сарвар Отамуратовни Ўзбекистон Президентлигига номзод сифатида кўрсатгани ҳақида хабар берилган эди.
Эслатиб ўтамиз, Ўзбекистон Президенти сайлови 2016 йил 4 декабрь куни бўлиб ўтади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)