20 октябрь, пайшанба куни Ўзбекистон бўйича фақат Фарғона водийси вилоятлари ва тоғли ҳудудларда ёғингарчилик бўлиши эҳтимоли бор. Бу ҳақда «Ўзгидромет» маркази хабар бермоқда.
Хабар беришларича, 20 октябрга ўтар кечаси Ўзбекистоннинг тоғли ҳудудларида -8...-3 даража совуқ, Қорақалпоғистон Республикаси ва Хоразм вилоятида -3...+2 даража, Бухоро, Навоий, Тошкент, Самарқанд, Жиззах, Сирдарё вилоятларида -2...+5 даража, Тошкент шаҳрида -1...+1 даража, Фарғона водийси вилоятларида 0...+5 даража, Қашқадарё ва Сурхондарё вилоятларида +3...+8 даража илиқ бўлиши кутилмоқда.
Пайшанба куни кундузи мамлакатнинг тоғли жойларида ҳаво ҳарорати -2...+3 даража, Қорақалпоғистон Республикаси ва Хоразм вилоятида +4...+9 даража, Бухоро, Навоий, Андижон, Наманган, Фарғона вилоятлари ва Тошкент шаҳрида +7...+12 даража, Тошкент, Самарқанд, Жиззах, Сирдарё вилоятларида +8...+13 даража, Қашқадарё ва Сурхондарё вилоятларида +11...+16 даража илиқ бўлади.
«Ўзгидромет» ахборотига кўра, 20 октябрга ўтар кечаси ва 20 октябрь куни кундузи Ўзбекистоннинг айрим тоғли ҳудудларида ёғингарчилик бўлиши, Фарғона водийси вилоятларининг баъзи жойларида ёмғир ёғиши мумкин. Мамлакатнинг бошқа ҳудудларида ёғингарчилик кутилмайди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)