Ўзбекистонда Корея кинофестивали бошланди

Ўзбекистонда 17 октябрь куни Тошкент, Самарқанд, Бухоро шаҳарларида бўлиб ўтадиган Корея кинофестивали старт олди. Бу ҳақда UzDaily хабар бермоқда.

Бешинчи бор уюштирилган кинофестиваль Жанубий Кореянинг Ўзбекистондаги элчихонаси томонидан Korea Festival 2016 корейс маданияти фестивали доирасида ўтказилмоқда.

Кинофестиваль доирасида «Отамга қасида», «Детектив К», «Ҳимолай» ва «Мени тутиб ол» фильмлари намойиш этилади.

Жанубий Корея элчихонаси тадбир давомида «Корея — Ўзбекистон дўстлиги» мавзусида расмлар танлови, Orion, Samsung Electronics, Navoi Beauty Cosmetics, Keymdo Cosmetics ва бошқа компаниялар иштирокида корейс маҳсулотлари кўргазмасини ўтказишни режалаштирган.

Бундан ташқари дастурига корейс халқ ўйинлари ва корейс миллий либослари киритилган бошқа тадбирлар ҳам ўтказилиши кўзда тутилган.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.