Хитой Энергетика ишлари бўйича давлат бошқармаси Кўмир соҳаси бўлими бошлиғи ўринбосари лавозимида ишлаб келган Вэй Пэнъюань коррупция иши бўйича айбдор деб топилиб, ўлим жазосига ҳукм қилинди. «ТАСС» хабарига кўра, ҳукм икки йилдан сўнг ижро этилади.
Вэй Пэнъюань 212 миллион юань (тахминан 31,7 миллион доллар) миқдорида пора олганликда айбдор деб топилган.
Одатда Хитойда ўлим жазоси ҳукм ўқилганидан кейин қисқа муддат ичида ижро этилади. Бироқ баъзан ҳукмни ижро этиш муддати икки йилгача қилиб белгиланиши мумкин — бунда судланувчи олий жазонинг умрбод қамоқ жазоси ёки узоқ муддатга озодликдан маҳрум этиш билан алмаштирилишига умид қилиши мумкин.
Хитойда 2012—2013 йилларда Си Цзиньпин бошлиқ «бешинчи авлод» раҳбарлари ҳокимият тепасига келганидан сўнг, мамлакатда коррупцияга қарши кенг миқёсли кураш бошланган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)