Россия ва Европа тадқиқот миссияси доирасида учирилган ExoMars 2016 коинот қурилмаси орадан 7 ой ўтиб Марсга яқинлашди. 16 октябрь, якшанба куни сайёралараро станция қўнадиган «Скиапарелли» ва орбитал TGO (Trace Gas Orbiter) модулларига ажралди. Бу ҳақда Европа коинот агентлиги (ESA) маълум қилди, дея хабар беради «Корреспондент.net».
«Скиапарелли»нинг Марсга қўниши 19 октябрь, чоршанба кунига мўлжалланган. Модул ExoMars лойиҳасининг иккинчи қисми учун парвоз ва қўниш технологиясини такомиллаштириши лозим. Унинг доирасида Марсга Россия қўниш платформаси ва Европа марсоходи жўнатилади.
Миссиянинг ҳозирги босқичидаги асосий вазифа Марс тупроғини бурғулаш ва таҳлил этишдан иборат. Шунингдек, «Скиапарелли» сайёра юзасидаги электр майдонлари ҳақидаги маълумотларни тўплаши лозим.
TGO эса Марс атмосферасидаги газ аралашмаси ва сайёра тупроғида муз тақсимотини ўрганади. Тадқиқотчиларни, хусусан, Марсда сув ва метан мавжудлиги қизиқтирмоқда.
Изоҳ (0)