АҚШ Давлат котиби Жон Керри 16 октябрь, якшанба куни Америка расмийлари Сурияда вазият туфайли Россияга қарши чекловчи чоралар жорий этишни кўриб чиқаётганини маълум қилди. Бу ҳақда «Интерфакс» хабар бермоқда.
«Биз Россияга қарши қўшимча санкциялар қўллаш имкониятини кўриб чиқяпмиз. Шунингдек, Сурия ҳукуматига нисбатан ҳам чоралар жорий этилиши мумкин. Биз буни муҳокама этишда давом этамиз ва бир неча кун ичида бир тўхтамга келамиз», — дея таъкидлади Керри британиялик ҳамкасби Борис Жонсон билан биргаликдаги матбуот анжумани чоғида.
Шу билан бирга, Давлат котиби «АҚШ президенти Барак Обама аввалгидек Россия билан Сурия масаласида ўзаро ҳамкорликнинг турли вариантларини таклиф этаётганлиги»ни билдирди.
Изоҳ (0)