«Реал» ҳужумчиси Криштиану Роналду бошқа клубга ўтиш режаларига кирмаслигини яна бир бор таъкидлади, деб хабар бермоқда «Чемпионат».
«Кўзимни юмиб, ‘Реал’да тўп суришни орзу қиламан. Айнан шу менинг орзуим. ‘Реал’ менинг юрагимда, бу ерда кўп йиллар тўп суришни истайман», – деди португалиялик футболчи.
Аввалроқ Криштиану Роналду «Реал»даги фаолиятини 41 ёшида якунлаш истаги бор эканини бир неча бор таъкидлаган.
Маълумот учун, «Қироллик клуби» 31 ёшли ҳужумчи билан 2018 йилгача мўлжалланган келишувини 2021 йилга қадар узайтириши маълум бўлганди.
2009 йилдан буён мадридликлар сафида тўп сураётган Роналду 354 ўйинда 367 та гол киритишнинг уддасидан чиққан.
Изоҳ (0)