Krishtianu Ronaldu: “Real” mening yuragimda, bu yerda ko‘p yillar to‘p surishni istayman

“Real” hujumchisi Krishtianu Ronaldu boshqa klubga o‘tish rejalariga kirmasligini yana bir bor ta’kidladi, deb xabar bermoqda “Chempionat”.

“Ko‘zimni yumib, ‘Real’da to‘p surishni orzu qilaman. Aynan shu mening orzuim. ‘Real’ mening yuragimda, bu yerda ko‘p yillar to‘p surishni istayman”, – dedi portugaliyalik futbolchi.

Avvalroq Krishtianu Ronaldu “Real”dagi faoliyatini 41 yoshida yakunlash istagi bor ekanini bir necha bor ta’kidlagan.

Ma’lumot uchun, “Qirollik klubi” 31 yoshli hujumchi bilan 2018-yilgacha mo‘ljallangan kelishuvini 2021-yilga qadar uzaytirishi ma’lum bo‘lgandi.

2009-yildan buyon madridliklar safida to‘p surayotgan Ronaldu 354 o‘yinda 367 ta gol kiritishning uddasidan chiqqan.