Буюк Британия суди «Юлдузлар жанги: кучнинг уйғониши» фильмини суратга олиш жараёнида хавфсизлик қоидаларини бузгани учун Foodles Production кинокомпаниясини (The Walt Disney Company) 1,6 миллион фунт стерлинг, яъни 2 миллион доллар атрофидаги жаримага тортди. Бу ҳақда TJournal хабар бермоқда.
Суд компанияни Буюк Британиянинг меҳнат муҳофазаси соҳасидаги қонунчилигини бузишда айблади. Бу эса гидравлик эшик қулаб, фильмда Хан Соло ролини ижро этган актёр Харрисон Форднинг чап оёғи синишига олиб келди.
Эшитувлар чоғида компания вакиллари ўз айбини тўлиқ тан олди. Прокурор Эндрю Маршаллга кўра, ҳодиса суратга олиш гуруҳи актёрни декорацияларнинг бир қисми маҳкамланмагани ҳақида огоҳлантирмагани туфайли содир бўлган. Натижада оператор эшикни ёпганидан сўнг у Форднинг устига қулади ва юзини шикастлашига сал қолди.
Маълумот учун, ўтган йил декабридан кинотеатрларда намойиши бошланган «Юлдузлар жанги: кучнинг уйғониши» фильми ҳозирга қадар дунё бўйича 2 миллиард доллардан ошиқ маблағ тўплашга улгурди. Бу кино тарихидаги даромади жиҳатидан учинчи натижа.
Изоҳ (0)