Tailandning 88 yoshli qiroli Pumipon Adulyadetning salomatligi o‘tkazilgan gemodializdan so‘ng beqaror bo‘lib turibdi. Bu haqda qirollik saroyi bayonotida ma’lum qilindi, deya xabar beradi “Interfaks”.
Hujjatda 8-oktabr, shanba kuni qirol qonini toksinlar, ortiqcha tuzlar va suyuqliklardan tozalash jarayoni o‘tkazilgani, bu esa uning qon bosimi keskin tushib ketishiga sabab bo‘lgani bildirilgan. Shifokorlar zarur davolash muolajalarini qo‘llamoqda, qirol o‘pkani sun’iy shamollatish qurilmasiga ulangan.
Ma’lumot uchun, 1946-yilda taxtga o‘tirgan Pumipon Adulyadet nogironlik kursisiga o‘tirib qolgan va oxirgi ikki yil mobaynida turli tashxislar bilan kasalxonalarga yotqizilgandi.