Америка космик агентлиги NASA Қизил сайёра — Марсда олинган янги фотосуратлар кетма-кетлигини эълон қилди, деб ёзади Bigmir)net. Суратларда турли-туман Марс манзаралари — кратерлар, қумтепалар, музли «саллалар» ва лабиринтлар акс этган.
NASA’нинг Mars Reconnaissance Orbiter қурилмаси 2005 йил — ушбу сайёрага биринчи марта сув излаб жўнаб кетганидан буён Ерга Марс ҳақида маълумотлар юбориб туради. Барча суратларни махсус сайтда кўриш мумкин, айни пайтда у ерда 44 мингдан ортиқ тасвирлар йиғилган.
Олимлар ишонч билдиришича, суратлар Марс ҳақида кўпроқ нарса билиб олиш учун муҳимдир. Келажакда уларни тадқиқот қурилмалари ва космик кемаларни қўндириш учун мос жой танлаш учун қўллаш мумкин бўлади.
Изоҳ (0)